ILOILO CITY- Bastante sa nagapanguna nga kinahanglanon ang mga evacuess sa Barrio Obrero Elementary School.
Sa interview sang Bombo Radyo kay Noime Zepeda, isa sa mga evacuees, iya ginpahayag nga bastante kag wala sila sang problema sa ila mga pagkaon kag iban pa nga kinahanglanon.
Suno kay Zepeda, wala sang problema sa pagkaon, bangud madamo sang nagahatag sa ila sang relief kag food packs kag may yara man sang community kitchen.
Magluwas sa pagkaon suno sa iya, may yara man sang ginhatag nga mga banig, habol, kag iban pa nga gamit ang Department of Social Welfare and Development Office.
Sa subong suno sa iya, magapabilin sila sa evacuation center, tubtob sa tion nga hilway na sila makapauli sa ila puluy-an matapos sang nagluntad nga oil spill.
