ILOILO CITY – Atensyon sa mga manugpakasal dira.
Sigurado bala kamo nga natapos na ukon nasolbar na ang issue sa inyo mga ex-boyfriends ukon sa mga ex-girlfriends?
Siguraduha na nga daan kay basi magpareho kamo sa natabo sa isa ka lalaki sa Hengdi Village, Yunan province sang China.
Sa adlaw sang iya kasal, nagtipon ang iya dinosena nga mga ex-girlfriends kag nagpakita agud nga magsabotahe sa iya wedding ceremony.
May mga bitbit ini nga red banner nga may nakabutang nga “We are Chen Song’s ex-girlfriends, and today we will destroy you”.
Abi sang iban prank lang apang matuod gid nga ex-girlfriends sila ni Chen.
Tuman naman nga nahuy-an ang groom bangud nga ginka-akig ini sang iya bride kag sang pamilya sini.
Gin-ako naman ni Chen nga indi nangin maayo ang treatment niya sa iya nga mga ex-girlfriends apang ginpahayag man niya nga nagbag-o na siya.
Nagpanugyan naman si Chen sa mga kalalakinhan nga respetuhon ang mga nobya, kag mangin loyal bangud indi basta-basta ang balos sang mga babayi.
