ILOILO CITY – Nagapanghakroy ang pila ka mga fish vendors bangud nagapamigado ang ila baligya bangud sang epekto sang padayon nga pagsaka sang presyo sang gatong.
Sa interview sang Bombo Radyo kay Rolly Gerao, spokesperson sang vendors sa fish section sang La Paz Public Market, iya ginpahayag nga daw kaangay nga indi nila maintindihan ang nagakatabo subong kun sa diin nagtimbuok ang presyo sang isda umpisa nga nagtaas ang presyo sang gatong.
Dugang pa ni Gerao, nagnubo man ang numero sang mga manugbakal bangud mahimo nga nagdako man ang pamasahe sa pagpadulong sa mga merkado.
Pahayag pa ni Gerao, ginalauman nila nga magnubo na kuntani ang bili sang mga balaklon bangud nagapadulong na ang summer kag tig-gulutom.
Sa subong, naglab-ot sa masobra P50 ang pagsaka sang mga baligya.
Bangud sini suno kay Gerao, ang mga pigado ang nagapigado pagid bangud sang epekto sang major fuel price hike.