Ginpahanumdom sang Department of Labor and Employment (DOLE) sa mga kumpaniya nga magapatigayon sang mga party kag event subong nga Paskuwa nga dapat respetuhon ang pagpati, relihiyon, kag personal preferences sang kada empleyado.
Suno sa DOLE, may kinamatarong ang mga empleyado nga mag-file sang reklamo sa ahensya kun ginahimo sang kumpaniya nga compulsory ang pagsaot ukon iban pa nga aktibidad sa holidays.
Pahayag sang ahensya, base sa Labor Code, indi mahimo mapilit ang empleyado nga mag-perform ukon mag-intra sa performance ilabi na kun guwa man ini sa iya nga job description.
Mahimo nga ipasaka ang reklamo sa National Labor Relations Commission (NLRC).
“Meaning, if there is a threat of disciplinary action, the employee may file a complaint and go to NLRC to seek corresponding damages,” suno sa statement sang ahensya. “In addition, the Safe Spaces Act can also cover violation if it relates to harassment.”
Suno sa Labor Code, ang mga rason kun mahimo lamang ma-punish sang employer ang empleyado amo ang masunod: (1) misconduct (if serious), (2) negligence (if gross and habitual), (3) loss of confidence (if fraud), (4) crime against the person of the employer or family, kag (5) analogous circumstances nga mahimo maglakip sang violations sang company policies.
“If you were forced and threatened with punishment for non-compliance, you can file a complaint with the NLRC and claim damages,” suno sa DOLE.
Bisan nga wala gin-punish apang gin-harass ukon ginpabudlayan ang empleyado sa trabaho nga mahimo mag-resulta sa constructive dismissal (nga makabig man nga illegal dismissal), mahimo man nga magpasaka sang reklamo.#
