Naghimo sang position paper ang grupo sang mga manugpangisda sa Iloilo agud nga pamatukan ang pagsulod sang mga commercial fishing vessels sa Municipal waters sang probinsya.
Ini kasunod sang desisyon sang Supreme Court nga pasudlon ang mga commercial fising vessels sa municipal water.
Sa interview sang Bombo Radyo kay Dr. Ildefonso Toledo, head sang Iloilo Provincial Agriculture Office, iya ginpahayag nga sa subong, ginatipon na sang provincial government ang position paper.
Suno kay Toledo, bisan siya ang nakibot sa nangin desisyon sang korte suprema.
Nagapati man ang natungdan nga mangin dako ini nga epekto sa manugpangisda sang probinsya.
Sang ginpatigayon nga session sang nagligad sang Sangguniang Panlalawigan, gin-aprubahan unanimously ang resolusyon nga nagasuporta sa amo nga petisyon sang mga manugpangisda.
Ang matipon nga petisyon ang pagatipunon ni Iloilo Governor Arthur Defensor Jr. kag irepresentar sa Bureau of Fisheries and Aquatic Resources (BFAR).
