ILOILO CITY- Nagapadayon subong ang rehabilitasyon sang pila ka porsyon sang Iloilo Central Market.
Sa interview sang Bombo Radyo kay Raymund Hortillas, Market In Charge sang nasambit nga merkado, iya ginpahayag nga gina-renovate ang kanal kag ang atop sa meat kag fish section sa idalom sang 2020 budget sang syudad kag may yara man sang ginapatigayon nga flushing sa nasambit nga mga sections sang merkado agud malikawan ang pagbara sang mga kanal.
Suno kay Hortillas, ginaprayoridad man ang pagkaayo sang drainage sa sulod sang merkado.
Pahayag niya, apisar konektado ini sa drainage sa Aldegeur Street, wala pa ini nakonekta sa drainage sa Guanco Street rason nga kon mag-ulan, nagaawas kag nagabaha sa gihapon.
Apang suno kay Hortillas, amat-amat man nga naga-improve ini.
May kaangtanan naman sa mga stalls nga ginsirado ukon ginbayaan lang sang mga nagarenta, posible nga ideklarar ang mga ini nga ‘abandoned’ agud nga buksan para sa application sang iban nga vendors nga luyag magkuha sang stall sa merkado.
