Mga high powered fireams kag dalagku nga volume sang shabu ang nakuha sa balay sang anak ni anay Remedios Rumualdez, Agusan Del Norte Mayor Nilo Soliva sa ginpatigayon nga buybust operation sang Regional Drug Enforcement Unit (RDEU) sa Bankers Village, Brgy. Tabuc Suba, Jaro, Iloilo City.
Ang subject sang buybust operation amo si Clint Soliva nga yara sa Metro Manila.
Sa interview sang Bombo Radyo kay Atty. Modesto Martin Mamon, legal counsel sang pamilya Soliva, iya ginpahayag nga ginpahibalo lang siya sang pamilya nga hinali lang ginsulod sang mga armado nga tawo ang ila balay.
Magluwas nga armado, nakasuksuk pa sang facemask ang nga ginapahayag katapo sang RDEU.
Ginpahayag dugang ni Mamon nga kun matuod nga wala sang kontrobersiya nga nagakatabo, kuntani ginpahanugutan siya kaupod ang mga katapo sang media nga makasulod sa balay agud nga magsaksi sa natabo nga buybust operation.
Makatalagam suno kay Atty. Mamon bangud nga bisan siya nga legal counsel ang kasubong nga wala sang may mahimo agud pangapinan ang iya kliyente.
Sa pagkamatuod suno sa abogado, wala man nagpakilala sa iya ang mga armado nga tawo bilang pamatuod nga lehitimo nga buybust operation ang natabo.
Ginkakibot sang mga barangay official sang Tabuc Suba, Jaro, Iloilo City ang pagpatigayon sang buybust operation.
Sa interview sang Bombo Radyo kay Brgy. Kagawad Nonito Egona sang nasambit nga lugar, iya ginpahayag nga madugay naman niya nga kilala si Clint Soliva apang wala siya makahibalo nga nagabaligya sang illegal drugs ang bata sang anay alkalde.
Indi naman makumpirma ni Brgy. Kagawad Egona kun bala naka-agi na sungka sa Oplan Tokhang si Soliva sang mga nakaligad nga tuig bangud nga subong lang siya nga tuig nagdaug liwat bilang barangay official sa ila lugar.