TEXAS, USA – Ginakulang sa suplay sa pagkaon kag tubig ang mga residente sa Texas sa Estados Unidos.
Ini ang kasunod winter storm kag pagnubo sang temperatura nga nagresulta sang power outage ukon pagkadula sang kuryente sa sulod sang pila ka adlaw.
Naapektuhan man sini ang pila ka mga building nga gintugyan para sa mga tawo nga homeless ukon wala sang kaugalingon nga balay sa estado.
Nagakahangawa naman ang gobyerno bangud nagsaka sa kapin anom ang numero sang mga napatay nga homeless bangud sa natabo nga winter storm.
Suno kay Bombo International Correspondent Pinoy Gonzales direkta sa Houston, Texas, iya ginpahayag nga sa subong amat-amat naman nga nagabalik ang suplay sang kuryente.
Apang dako naman nga problema ang pagpangita sang kalan-on kag tubig bangud wala sang truck nga nakadul-ong sang suplay.
