Mga hotels sa Iloilo halos fully booked na para sa Dinagyang Festival

ILOILO CITY – Haos fully booked na ang mga hotels sa siyudad sang Iloilo pila ka adlaw antes ang highlights sang Dinagyang Festival 2018.
Sa interview sang Bombo Radyo Iloilo kay Robert Alor sang Iloilo Convention and Visitors Bureau kag miyembro sang Iloilo Dinagyang Foundation Inc. (IDFI), ginpahayag sini nga sa ila ulihi nga monitoring, pila na lang ang mga hotel rooms nga available para sa bookings.
Sa mga inadlaw nga ini suno kay Alor, ginalauman nga posible mapuno ang mga hotels.
May mga promo kag Dinagyang packages nga ginatanyag ang mga hotels sa mga turista.
Ginpasiguro man ni Alor nga mangin full force ang mga staff agud maghatag sang nagakaigo nga serbisyo para sa mga bisita nga magapadulong sa Iloilo.