Sta. Barbara, Iloilo – Ginareklamo sang pila ka mga residente sang Barangay Balabag Sta. Barabara, Iloilo ang insidente sang nagkalamatay nga mga ido bangud ginaalegar nga ginpanghiloan.
Nahibaluan nga naghingyo sang bulig ang isa sa mga pet owners bangud nalakip sa ginhiloan ang iya ido.
Sa interview naman sang Bombo Radyo kay Punong Barangay Eldefonso Guillergan, iya ginpahayag nga wala pa ini nakabaton sang report tuhoy sa amo nga insidente.
Apang suno kay Guillergan, apisar wala ini may nabaton nga report, may yara man sang mga preventive measure ang barangay agud malikawan ang nasambit nga insidente.
Ginpahayag sang natungdan nga mahimo magaatubang sang nagakaigo nga penalidad ang kung sin-o man ang utok sa likod sang pagpanghilo sang mga sapat.
