ILOILO CITY — Gin-imbitar sang mga Ilonggo nga mamalidha si President Ferdinand Marcos Jr. nga magpadulong sa Iloilo kasunod sang pagpadulong sini sa Cagayan De Oro kahapon nga adlaw agud maghatag sang bulig sa mga mangunguma kag manugpangisda.
Sa interview sang Bombo Radyo kay Uswag Ilonggo Partylist Representative James “Jojo” Ang, iya gipahayag nga ila gin-agda ang presidente nga bistahon ang Iloilo kag insigida man ini nga nagsabat nga huo.
Suno kay Ang, nagsunod siya sa aktibidad sang presidente agud ipakita ang iya suporta sa mga programa sang administrasyon kag plano nga mga proyekto para sa mga Filipino.
Ginpahayag man sini nga ang iya pag-upod sa Cagayan De Oro ang isa man ka dako nga pagpasalamat sa presidente kag kahigayunan agud mapakita ang isa ka united coalition apisar nga lain-lain nga sila sang partido.
Matandaan nga anay na nagpadulong si Marcos sa Iloilo sang 2022 kasunod sang pagdaog sini bilang presidente sang pungsod.
