Ginkumpirma sang Department of Health nga panibag-o nga 2,379 ka kaso sang coronavirus disease (COVID-19) ang narekord sa Pilipinas subong nga adlaw, Oktubre 18.
Bangud sini, nagsaka na sa 356,618 ang kabug-usan nga kumpirmado nga kaso sang virus sa pungsod.
Sa bag-o nga mga nagpositibo, nagapanguna ang Quezon City nga may 172, Rizal Province nga may 147, Bulacan nga may 136, Caloocan City nga may 117, kag Cavite nga may 101.
Narekord man ang dugang nga 14,941 ka recoveries kag 50 ka bag-o nga COVID-19 deaths.
Sa pangkabug-usan, ang Pilipinas ang may yara sang 310,158 ka recoveries, 39,908 ka active cases, kag 6,652 nga patay.
Sa bug-os nga kalibutan, masobra na sa 39.67 million ang infected sang virus kag masobra 1.1 million ang ginbawian sang kabuhi.
