𝗜𝗟𝗢𝗜𝗟𝗢 𝗖𝗜𝗧𝗬 – May nagkalain-lain nga mga pamaagi sa pagsaulog sang Christmas ang preso sa lloilo City District Jail Male Dormitory sa Barangay Ungka, Jaro, Iloilo City.
Sa interview sang Bombo Radyo kay Jail Superintendent Richard Servano, District Jail Warden sang Iloilo City District Jail Male Dormitory, iya ginpahayag nga indi malikawan nga magbatyag sang kasubo ang mga preso ilabi na nga malayo ang mga ini sa ila pamilya.
Apang suno kay Servano, may mga nagkalain-lain sila nga programa nga ginpreparar para sa mga preso kaangay sang singing contest kag dance competition.
Ginpasalamatan man sini ang mga regalo nga ginhatag sang religious organization ukon religious group para sa mga preso.
Sa pihak sini, gin-athag ni Servano nga hugot sa gihapon ang ila ginapatuman nga seguridad sa mga bisita nga magasulod sa presuhan.
