Nagpanawagan ang mga drivers sa syudad nga ideritsu sa ila ang mga subsidy kag indi na pag-ipaagi sa ila operators.
Sa interview sang Bombo Radyo kay Mr. Raymundo Boyet Parcon, Presidente sang Iloilo City Loop Alliance of Jeepney Operators and Drivers Association (ICLAJODA), iya ginpahayag nga
madamo sa mga drivers ang nagareklamo bangud ginabuhinan ang ila nagabaton nga nga subsidy.
Nahibalu-an nga nagasulod sa pasada card sang mga operators ang nauna na nga fuel subsidy sang mga drivers nga nagabalor sang P7,000.
Suno kay Parcon, nagpadala na ini sang request sa Department of Transportation (DOTr) nga isulod sa mga accredited gasoline stations ang mga subsidy agud nga indi na ini mawithdraw in cash.
Nagpasalig naman ang DOTr suno sa natungdan nga may maabut nga bag-o nga fuel subsidy subong nga bulan.
