ILOILO – Dako ang nangin epekto sang pagtaas sang presyo sang produktong petrolyo sa mga motorista sa syudad sang Iloilo.
Nahibaluan nga P 2.40 tubtub P2.60 ang gintaas sang gasolina, P1.70 tubtub P1.80 ang saka sa kada litro sang diesel kag P1.80 tubtub P1.90 sa kerosene.
Sa interview sang Bombo Rady kay Edgar Salarda, presidente sang Pinagkaisang Samahan ng mga Tsuper at Operator Nationwide-Panay, iya ginpahayag nga ang tagsa ka pagtaas sang presyo sang produktong petrolyo ang dako man ang buhin sa kita nila nga mga driver.
Suno kay Salarda, ang pumuluyo ang nagaantos sa masami nga pagtaas presyo sang gatong.
Nagapanawagan si Salarda sa gobyerno nga buligan sila ilabi na ang mga pigado nga pumuluyo nga amo ang apektado sa masami nga pagsaka sang presyo sang produktong petrolyo.
