Isa ka pinasahi nga trend ang nagakatabo subong sa China kun sa diin ang pamatan-on nga wala sang trabaho mismo ang nagabayad sa mga peke nga kumpanya agud magpakuno-kuno nga may trabaho sila — bisan wala sila sang ginakita diri.
Sa bayad nga 30 tubtob 50 yuan kada adlaw (katumbas ng ₱250–₱400 ukon $4–$7), ginatugutan sang mga ginatawag nga “pretend-to-work companies” ang sin-o man nga makaeksperyensiya sang working environment.
Kalakip diri ang opisina, desk, libre nga Wi-Fi, kag pantry.
Para nga daw mas matuod ang ila pagpakuno-kuno, pwede sila magbayad sang dugang para sa mga peke nga ulubrahon, peke nga boss, kag magpakuno-kuno nga may kaaway sila nga kaangay man nila nga mga “empleyado.”
Sang Marso, narekord ang youth unemployment rate sa 16.5% para sa mga edad 16 tubtob 24 (wala nalakip ang mga estudyante), kag 7.2% para sa mga edad 25 tubtob 29.
Sa padayon nga pagtaas sang numero sang mga wala sang trabaho, nangin popular ang ini nga “work simulation” bilang alternatibo nga kalingawan.
Apisar pinasahi, ginasalamin sini ang kultura sa trabaho sa China kun sa diin ang mismo nga balatyagon nga Masako ang indibidwal ang tuman ka importante — bisan peke.
