Madamo na naman nga mga mamalidha nga kaalyado ni anay Speaker Alan Peter Cayetano ang nadulaan sang leadership posts isa ka bulan matapos nga nagpungko bilang bag-o nga speaker si Lord Allan Velasco.
Sa plenary session, sanday Capiz Representative Fredenil Castro, Laguna Representative Dan Fernandez, kag Batangas Representative Raneo Abu ang ginkakas bilang deputy speakers of the chamber.
Sila ang ginbuslan nanday Cagayan De Oro City Representative Rufus Rodriguez, Buhay party-list Representative Lito Atienza, kag Las Piñas City Representative Camille Villar.
Sanday Castro kag Fernandez ang nangin vocal nga indi sila pabor kay Velasco bilang speaker of the House.
Samtang gin-elect naman si Pampanga Representative Mikey Arroyo bilang chairman sang House Committee on Energy nga amo ang posisyon ni Velasco nga nabakante sang siya ang nangin speaker.
Gin-eleher man bilang pinuno sang House contingent sa House of Representative Electoral Tribunal si Caloocan City Representative Dale “Along” Malapitan.
Vice chair naman sang House Committee on Accounts si ACT-CIS party-list Representative Eric Go Yap sa diin chairman sini amo ang iya abyan kag kaalyado nga si Davao City Representative Paolo Duterte.
Gindesignate ni Velasco ang iya kaugalingon bilang legislative caretaker sang first district sang Cebu City kasunod sang pagtaliwan ni Representative Raul Del Mar.
Gin-eleher man bilang bag-o nga Secretary General sang Kamara si anay Batangas Representative Mark Llandro Mendoza matapos nga nag-resign sa pwesto si Atty. Jocelia Bighani Sipin.
