Ginapahanugutan na sang Inter-Agency Task Force for the Management of Emerging Infectious Diseases Resolutions (IATF-EID) nga makagwa sa outdoor areas ang mga kabataan nga naga-edad lima ka-tuig pasaka.
Ini nga pagsulundan ang ipatuman sa mga lugar nga napaidalom sa Modified General Community Quarantine (MGCQ) kag General Community Quarantine (GCQ) status nga wala sang heightened restrictions.
Suno kay Presidential Spokesperson Atty. Harry Roque, nalakip sa outdoor areas ang parks, playgrounds, beaches, biking kag hiking trails, outdoor non-contact sports, al-fresco dining establishments kag iban pa.
Apang indi sa gihapon mahimo makasulod ang mga kabataan sa mga indoor buildings kag establishments kaangay sang mga mall.
Pahayag ni Roque, kinahanglan nga bantayan sang maayo sang mga ginikinan ukon guardian ang mga kabataan sa diin nagakadapat nga sundon ang tanan nga health protocols.
