ILOILO CITY – Naga-amat-amat na damo ang mga kabataan nga nagapasakop sa lawn tennis sa La Paz plaza.
Sa interview sang Bombo Radyo kay Alvin Santiago, head coach sang lawn tennis, iya ginpahayag nga manami na ang pagbaton sang kabataan sang sports nga lawn tennis pagkatapos sang halos duha ka tuig nga suspension sini bangud sa epekto sang COVID-19.
Sa La Paz, may yara sang ginabanta 50-70 ka mga kabataan nga libre nga naga-training sa lawn tennis.
May yara sang apat ka lawn tennis court sa La Paz plaza kag ang training ang ginapatigayon tagsa ka las-tres sa hapon tubtob sa las-syete sa gab-i.
Boluntaryo nga nagahatag sang serbisyo ang tatlo sa anum ka mga trainers.
Sa gusto nga mag-avail sang libre nga training, magpadulong lang sa opisina sang Sports and Development Office sang syudad sang Iloilo.
