ILOILO CITY – Pormal na nga ginpakilala ang pulo ka mga kandidata sa Miss Iloilo 2020 kag ang ila mga adbokasiya.
Onse ka mga matahum nga kandidata ang magapasakop sa amo nga pageant kag sila amo ang mga masunod:
- Syra Jinon Jagunap 18, Leganes, Iloilo
- Desiree Jane Espa Tubaon 22, Igbaras, Iloilo
- Tarilaye Figalan John Beke 25, Pavia, Iloilo
- Rabiya Occena Mateo 23, Balasan, Iloilo
- Mary Desiree Defante Rendoque 18, Cabatuan Iloilo
- Sharamie Apuli Solocio 18,Sta. Barbara Iloilo
- Blessie Jay Senerez Villablanca, 21, La Paz, Iloilo City
- Keshapor Nam Empedrad Ramachand Ran, 19, Bo. Obrero, Lapuz, Iloilo City
- Darra Lorreine Galvan Sadsad , 20, Sibunag, Guimaras
- Karen Laurrie Bano Mendoza, 24, Concepcion, Iloilo
- Ann Roxal Dedel Palmares, 20, Mandurriao, Iloilo
Sa interview sang Bombo Radyo kay Sarah Peña, chair sang Miss Iloilo 2020, iya ginpahayag nga aminado ang ila committee nga nabudlayan sila sa pagpili sang kwalipikado nga mga kandidata bangud sang kataason ukon height requirement.
Suno kay Peña, sa una nga ginpatigayon nga screening, lima lamang sa 20 ka mga aplikante ang nakapasar amo nga napilitan sila sa pagpatawag sang ika-duha nga screening agud makompleto ang numero sang kandidata.
Iya ginpahayag nga sa pormal na nga pagpakilala sang onse ka mga kandidata kahapon, tuman ang iya kalipay bangud mga matahum kag maalam ang mga ini.
Lain-lain ang mga kandidata suno kay Peña bangud may yara nga estudyante pa lang, samtang may yara man nga naga-obra na.
Gin-athag man ni Peña nga ang maid-id nga pagpili sang mga kandidata sa Miss iloilo 2020 ang kabahin lang sa ‘pag level-up sang standards’ sang beauty pageants sa Iloilo kag agud makabato man sa mga kandidata sang national kag international pageants.
