Ginapangunahan sang mga barangay kapitan sa Iloilo City ang ila nga mga tikang agud malikawan ang pagbalik sang ilegal nga druga sa mga kabarangayan.
Sa interview sang Bombo Radyo, ginpahayag ni ABC President kag Punong Barangay Rodel Mamon sang Jaro District nga padayon ang ila monitoring system sa kada barangay, kag ginatukiban pa ang presensya sang mga minor de edad nga nadalahaig sang illegal nga aktibidad sa druga.
Ginapadayon man nila ang edukasyon kontra droga ilabi na sa kabataan bilang kabahin sang preventive efforts.
Sa pihak nga bahin, ginpahibalo man ni Punong Barangay Welbor Orada sang Brgy. Tanza Esperanza nga may separate community rehab program sila para sa mga users kag pushers, nga nagalawig tubtob anum (6) ka bulan.
