ILOILO CITY – Nagabatyag sang kakugmat tubtub subong ang mga kasilingan sang napatay nga drug personality kasunod sang buy bust operation sa Brgy. Tanza Esperanza, Iloilo City.
Nagabatyag sang kakugmat tubtub subong ang mga kasilingan sang napatay nga drug personality kasunod sang buy bust operation sa Brgy. Tanza Esperanza, Iloilo City.
Sa interview sang Bombo Radyo kay Lucinda Depatillo, 70, iya ginpahayag nga pasado 12:00 kaina sang kaagahon sang hinali lang nga may naglagapok sa ila balay.
Suno kay Depatillo, mahamuok na ang ang iya katulugon kaupod sang iya bana sang hinali nga may nagpanuktok sa ila balay.
Ginhuna-huna pa niya nga ang nagpanuktok amo ang iya anak.
Naguba pa ang ila pwertahan sang ginpwersa nga sudlon sang mga operatiba.
Sang nakasulod na, ginhambalan lang siya sang mga operatiba nga may yara sila sang ginapangita.
Gilayon man nga nagbiya ang mga operatiba kag nagsaylo sa kaiping nga balay.
Bangud sa kakulba, ginpahayag sang natungdan nga wala na siya nakahibalo sang masunod nga hitabo.
Ulihi na lang niya nahibalu-an nga patay na ang subject sang buy bust operation nga si Japhet Zerrudo matapos nga nagbato sa mga operatiba.
