ILOILO CITY – Nagbuligay ang mga kasimanwa sang Ilongga OFW nga si Joanna Daniela Dimafeliz sang Barangay Ferraris, Sara, Iloilo bilang preparasyon para sa pag-abot sang bangkay buwas.
Sa interview sang Bombo Radyo Iloilo, ginpahayag sang tiyo ni Joanna nga si Barangay Kagawad Pablo Dimafeliz nga ang mga ka-barangay nila ang yara sa puluy-an sang mga Dimafeliz agud asikasuhon ang mga kinahanglanon para sa pagpauli sang bangkay sang Pinay worker.
Nagpanglimpyo sila sa palibot bangud sang pila ka VIP nga maga-abot.
Suno pa kay Mr. Dimafeliz, all set na ang tanan kag ginapreparar naman nila ang balatyagon para sa pag-abot sang iya hinablos nga magapauli apang sa sulod na sang lungon matapos nga ginpatay sang iya mga amo sa Kuwait kag gintago pa sa freezer sang masobra isa ka tuig.
Samtang wala pa ginpakita sa mga ginikanan ni Joanna ang mga laragway pag-abot sang bangkay ni Joanna kaina sa Ninoy Aquino International Airport.
Ginpahayag ni Mr. Dimafeliz nga tuman ka emosyunal karon ang mga ginikanan ni Joanna bangud sa gindangatan sang anak kag nagakahangawa sa ikaayong lawas sini.