SINGAPORE – Naga-agwanta na lang sa live streaming ang mga Katoliko nga Filipino sa Singapore agud nga makapamati sang misa bangud sa Coronavirus Disease 2019 (COVID)-19.
Sa interview sang Bombo Radyo kay Mercy Cacan, iya ginpahayag nga kadam-an sa mga dalagku nga simbahan sa Singapore ang iya sang Roman Catholic kag Christians.
Suno kay Cacan, ang misa kag ang Christian services ang ginapaagi na lang sa on-line ukon live streaming matapos nga nagpositibo sa COVID-19 ang isa ka Filipino nga nagtambong sa misa.
Ginpahayag ni Cacan nga ang nasambit nga lihok ang isa ka paagi agud nga matapna ang paglapta sang nasambit nga virus.
Sa pihak sang COVID-19 scare, ginpahayag sang Ilongga Overseas Filipino Worker nga makabig sa gihapon nga normal ang sitwasyon sa Singapore apang ginalikawan lang ang pagguwa sa balay kun indi man lang kinahanglanon.
