Gin-ako ni House Deputy Speaker kag Iloilo 1st District Rep. Janette Garin nga madamo nga mga kaupdanan nga mamalidha ang nagsuhestiyon nga magpangita sang doktor agud malantaw ang estado sang paminsaron ni expelled Congressman Kiko Barzaga.
Sa interview sang Bombo Rayo kay Garin, iya ginpahayag nga may mga kongresista nga nagpahayag sang pagkabalaka sa mga pahayag kag aktwasyon ni Barzaga gani ginmungkahi sang mga ini nga magpaidalom siya sa mental health evaluation.
Apang gin-insister ni Garin nga wala dapat sila nagapasilabot sa sini nga mga bagay.
Suno sa iya, kinahanglan nga si Barzaga mismo ang boluntaryo nga magpalantaw sa doktor.
Dugang ni Garin, bisan ang pamilya ni Barzaga pa ang maghingyo nga ipaidalom ini sa psychiatric test apang kun siya mismo ang magpangindi, indi nila ini dapat pagpiliton.
