Nag-angkon sang nanari-sari nga reaksyon ang hagna nga gin-file sa Kamara nga nagaduso sang death penalty paagi sa firing squad batok sa public officials nga ma-convict sa kaso nga naangot sa kurapsyon.
Ang nagduso sang House Bill 11211 ukon Death Penalty for Corruption Act amo si Zamboanga Rep. Khymer Olaso.
Sakop sini nga hagna ang public officials, gin-eleher man ukon gin-appoint, lakip na ang yara sa executive, legislative, judicial branches, mga nagaserbe sa constitutional commissions, government-owned and controlled corporations, kag iban pa nga instrumentalities, miyembro sang Armed Forces of the Philippines (AFP) kag Philippine National Police (PNP).
Sa idalom pa sini, ang masakop sang death penalty paagi sa firing squad amo ang mga opisyal nga mapamatud-an nga guilty sa Sandiganbayan bangud sa masunod nga mga rason:
- Graft under the Anti-Graft and Corrupt Practices Act
- Malversation of public funds
- Plunder
Indi naman pag-ipatigayon ang firing squad sa public official kun wala pa sang affirmation sa Supreme Court ang pag-convict sa ila.
Dayunon ini kun napaidalom na ang kaso sa mandatory automatic review process nga required sang Constitution kag kun natapos na sang akusado ang tanan nga legal remedies sa idalom sang Konstitusyon lakip na ang pag-appeal kag pag-file sang motions for reconsideration.
Sa bahin ni Surigao del Norte Rep. Robert Ace Barbers, chairman sang Dangerous Drugs Committee sa Kamara, ginpahayag sini nga pabor siya sa hagna nga nagaduso sa death penalty paagi sa firing squad para sa mga ma-convict sa kurapsyon kag pabor man ini nga sakupon sang bill nga ini pati ang iban nga heinous crimes lakip na ang iligal nga droga.
“I also filed a bill to reimpose the death penalty for certain heinous crimes … but I think in the course of the deliberation, maybe we can include graduated crimes and even plunder. Because I think there’s a strong sentiment among the people to reinstate the death penalty, including for the crime of plunder or corruption,” pahayag sini.
Sang ginpamangkot kun makatawo man bala ang firing squad kun ipatuman gid man ang death penalty, ginpahayag sini nga kinahanglan sundon kun ano man ang desisyon sang kadam-an.
Para naman kay House Deputy Majority Leader kag La Union 1st District Representative Francisco Paolo Ortega V, ginpahayag sini nga dapat tahuron ang kinamatarong sang tawo nga mabuhi. Ginpahayag sini nga nagapamatok siya sa death penalty bangud indi man ini assurance suno sa iya nga masolbar ang kurapsyon.
“For me, personally, my stand is definitely a no to death penalty… It will instill fear, pero it will not ensure na wala pa ring corruption… As a member of the Quad, alam naman po natin na sobrang importante na ma-uphold ang human rights,” suno kay Ortega.
Para kay Ortega, dapat nga ang ugat ukon ang root cause sang krimen ang dapat nga hatagan sang solusyon.
“(Corruption) It’s cultural… There’s also a need na magkaroon ng kultura na anti-corruption, so that you can beat corruption…. Siguro maganda you tap it from the grass roots, kaya nga tayo may courses ng values education. Malalim. Hindi siya one-trick pony, hindi siya one-shot policy,” dugang sang mamalidha.#
