Tatlo ka incumbent lawmakers kag isa ka former representative halin sa Iloilo ang ginlakip sa alegasyon sang ex-Marines nga ila gindul-ungan sang mga maleta nga may unod sang kuwarta.
Sa affidavit sang ex-marines, ila ginpahayag nga ginsugo sila nga mag-escort kag mag-deliver sang lain-lain nga kadakuon sang mga maleta sa mga kongresista.
Lakip sa ila nga ginhingadlan amo sanday:
* Iloilo City Lone District Rep. Julienne ‘Jamjam’ Baronda
* Uswag Ilonggo Rep. Jojo Ang
* Iloilo 1st District Rep. Janette Garin
* Former Kabataan Partylist Rep. Raoul Manuel
“Nautusan din kami na mag-escort at mag-deliver ng iba’t-ibang laki ng maleta sa mga congressmen/women na naaalala namin sa ngayon dahil sila ang napapanood namin minsan sa telebisyon o palagi namin silang nakikita pag nakakausap sila ni Zaldy Co,” suno pa sa affidavit.
Dugang nila: “Nagdeliver kami mismo sa bahay ng ilan, sa House of Representatives, at yong iba ay kinuha nila sa Unit 8 o Unit 9 ng Polo Club Townhouse, Forbes Park.”
Subong nga adlaw sang nagguwa ang alegasyon sang mga nagpakilala nga anay mga miyembro sang Philippine Marines nga naga-claim man nga nag-deliver sila sang ₱805 billion nga cash nga nakabutang sa maleta kanday President Ferdinand “Bongbong” Marcos Jr. kag former House Speaker Martin Romualdez.
Base sa ila nga statements, ginbyahe ang kuwarta paagi sa van kag may yara man nga naggamit pa sila sang aircraft agud madul-ong ini sa designated locations.
Sa press conference kaina sa Club Filipino, gin-claim sang abogado nga si Levi Baligod nga ini nga ex-marines ang kaupdanan anay ni Master Sgt. Orly Guteza.
Si Guteza amo ang kontrobersyal nga Senate whistleblower nga naga-claim nga nagserbe anay bilang security personnel ni anay Ako Bicol Rep. Zaldy Co.
‘ASAL MARITES, MGA TRAYDOR SA BAYAN’
Nagsabat naman si former Representative Manuel matapos nga gindalahig ang iya pangalan.
Gintawag sini ang former marines nga mga “asal marites.”
“Sinama ng 16 ex-Marines (plus one ex-army personnel and one army reservist) ang pangalan ko sa mga kongresista na tumanggap daw o nakinabang sa kikbak. Nakakahiya itong former Marines at Army! Mga asal marites! Di na nga nila naipagtanggol ang mga dagat natin mula sa panghihimasok ng mga banyaga, tapos gumawa pa sila ng mga kwento para idamay ang mga anti-Duterte na hindi kurakot,” suno sa anay kongresista.
Ginpamangkot sini ang mga naglakip sa iya pangalan kun ngaa lunsay mga nagakontra sa mga Duterte ang ginapuntariya sa affidavit.
“Gets na namin na si Marcos Jr ang hari ng kurapsyon sa bansa ngayon. Si Sara Duterte naman ang reyna. Pero bakit puro kalaban ng mga Duterte ang target ng affidavit nitong ex-Marines? Mga traydor sa bayan,” kabahin pa sang iya Facebook post.
Ginahulat naman ang mangin sabat sang tatlo ka kongresista kasunod sang sini nga alegasyon, kag iga-publish gilayon kun mangin available na.
DAPAT I-EVALUATE PAAGI SA LEGAL KAG INVESTIGATIVE PROCESS
Nagpagwa naman sang statement ang Armed Forces of the Philippines (AFP) kaangot sa kontrobersyal nga isyu nga naga-involve sang mga indibidwal nga nagalaragway sang ila kaugalingon bilang anay Philippine Marine Corps members.
Suno sa AFP, ini nga alegasyon ang dapat nga i-evaluate paagi sa legal and investigative processes sa atubang sang competent authorities.
“The Filipino people deserve facts, and we urge all parties to allow lawful processes to take their course,” kabahin sang statement sang AFP.
