ILOILO CITY – Indi sa gihapon magtambong subong nga adlaw sa ginpatawag nga special session sang Iloilo City Council ang mga konsehal nga kaalyado ni Iloilo City Lone District Cong. Jerry Treñas.
Nahibaluan nga mayor nga katuyuan sang special session amo ang pagdeklarar sang state of calamity sa Syudad sang Iloilo.
Ini ang ginalakipan nanday Vice Mayor Jeffrey Ganzon, Councilors Love Baronda, Ely Estante, Leila Luntao, Armand Parcon kag Jay Trenas.
Rason sang mga ini sa indi pagtambong sa special session amo ang pag file nila sang leave of absence, umpisa subong nga adlaw tubtub sa Abril 30.
Nahibaluan nga may yara sang 15 ka mga myembro sang Sangguniang Panlunsod lakip na si Vice Mayor Ganzon kag antes maka quorum, kinahanglan nga present ang 9 ka mga konsehal.
Matandaan nga sang martes, ginboycott man sang nasambit nga mga konsehal ang session sang Sangguniang Panlunsod.
Lakip naman sa ginalauman nga magatambong sa special session subong nga adlaw amo ang mga kaalyado ni Iloilo City Mayor Jose Espinosa III nga sanday city councilors Liezl Joy Zulueta-Salazar, Candice Tupas, Eduardo Peñaredondo, Plaridel Nava, Joshua Alim, R Leone Gerochi, kag Lyndon Acap.
Magabalik si Councilor Mandrie Malabor, nga kaalyado naman ni Espinosa matapos ang iya leave.
