ILOILO CITY–Nagpaathag ang mga konsehal nga nagsuporta sa rigodon sa Iloilo City Council.
Sa interview sang Bombo Radyo kay Konsehal Armand Parcon, iya ginpahayag nga tion na agud manindugan ang Sangguniang Panlungsod kag indi lang magpadikta kay Iloilo City Mayor Jose Espinosa III.
Suno kay Parcon, nagakadapat nga may patigayunon na nga mga pagbag-o sa Iloilo City Council ilabi na ang mga pagpasar sang pondo.
Gin-athag man sang konsehal nga wala siya sang personal nga kaakig sa mga kaupdana sa konseho.
Nahibaluan nga ginpahalin na bilang majority floor leader sa konseho si Konsehal Eduardo Peñaredondo kag ginbuslan ni Konsehal Plaridel Nava.
Ginkakas man bilang assistant floor leader si Konsehal R Leone Gerochi kag ginbuslan ni Konsehal Julie Grace “Love Love” Baronda.