Iloilo City – Nagalaom ang mga konsumidor nga magbarato ang presyo sang bombay subong nga 2023.
Sa interview sang Bombo Radyo kay Elsie Jopson, customer sa La Paz Public Market, iya ginpahayag nga ginahimo nga makaluluoy ang mga manugbakal sa diin tuman kamahal ang kada kilo sang bombay.
Sa pinakaulihi nga monitoring, nagadangat na sa P600 ang kada kilogram sang bombay.
Suno kay Jopson, mabuhi man siya nga wala nagagamit sang bombay sa iya linuto.
Sa baylo suno sa natungdan, nagagamit na lang siya sang alternatibo nga flavorings agud magnamit ang sabor sang iya linuto.
