ILOILO- Kasubo ang nabatyagan sang mga nagaserbe koridor sang Lotto sa probinsya sang Iloilo kasunod sang mando ni Presidente Rodrigo Duterte nga pagpa-untat sang tanan nga gaming schemes nga may lisensya sa idalom sang Philippine Charity Sweepstakes Office (PCSO).
Sa interview sang Bombo Radyo kay Manong Biboy, isa sa mga nagaserbe bilang koridor sang Lotto sa probinsya, iya ginpahayag nga huol para sa ila ang natabo bangud ini na ang nangin palangabuhian nila sa malawig nga tinion.
Suno kay Biboy wala siya sa subong nakahibalo kun sa diin siya mangita sang trabaho kag palangabuhian para sa iya pamilya.
Pahayag pa niya nga bangud sa pagserbe niya bilang koridor, napatapos niya ang iya anak sa pagtuon kag napa-operahan ang mata sang iya tiayon.
Sa subong suno sa natungdan, hulaton nalang nila kun ano man ang mangin desisyon ni Presidente Duterte.
