Natukiban sang British journalists nga may yara sang computer hacking gang nga naka-base sa India nga nag-target sang mga kritiko sang kontrobersyal nga Qatar World Cup.
Sandig sa database nga na-leak sa Bureau of Investigative Journalism sang Britanya, ginhungod sang isa ka kliyente nga i-commission ang pag-hack sa mga abogado, journalists, kag manggaranon nga mga tawo halin sang 2019.
Lakip sa gin-target amo ang former head sang European football nga si Michel Platini.
Gin-target man ang London-based consultant nga nagapanag-iya sang kumpaniya nga amo ang nag-produce sang report kaangot sa corruption may kaangtanan sa World Cup.
Gin-target man sang hacking si Nathalie Goulet, ang French senator kag vocal critic sang Qatar bangud sa ginaalegar pagpondo sini sa “Islamic terrorism”.
Isa pa sa biktimahon kuntani sang hacking amo si Mark Somos, ang Germany-based lawyer nga nag-file sang complaint batok sa Qatari royal family sa United Nations Human Rights Council.
Ang ginatudlo nga kliyente nga nagpasimuno sang hacking amo ang host nation sang football tournament nga amo ang Qatar.
Sunod naman nga nagwangal ang Qatar kag nagsiling nga sala ang amo nga alegasyon kag wala sang merito.
