12 ka-oras nga maeksperyensyahan sang mga kunsomidor sang Guimaras Electric Cooperative (GUIMELCO) kag Iloilo Electric Cooperative ukon ILECO 1 ang power interruption.
Ini ang matabo sa bwas, Dominggo, Mayo 23 kasunod sang paghingyo sang National Grid Corporation of the Philippines (NGCP).
Sa interview sang Bombo Radyo kay Michelle Visera, Corporate Communications Officer sang NGCP, iya ginpahayag nga maga-umpisa ang power interruption las 6:00 sang aga tubtob las 6:00 sang kasisidmon sa diin apektado ang bug-os nga franchise area sang GUIMELCO kag ILECO 1.
Apektado sang power interruption ang bug-os nga banwa sang:
- ALIMODIAN
- CABATUAN
- GUIMBAL
- IGBARAS
- LEGANES
- LEON
- MAASIN
- MIAGAO
- OTON
- SAN JOAQUIN
- SAN MIGUEL
- STA. BARBARA
- TIGBAUAN
- TUBUNGAN
Portion sang PAVIA:
- Jibao-an (Savannah, Lessandra, Lumina & Amaia)
- Pandac (Deca 1,2 & 3, Westville & Centro Verde)
- Aganan (Don Julio, CPU Centennial Village)
- Balabag (St. Joseph, Avida, Providence, Montecillo Villas, Parc Regency Subdivision)
- Mali-ao
- Pal-agon
- Amparo
Samtang, bug-os nga Guimaras naman ang makaeksperyensya sang 12 ka oras nga power interruption.
Suno kay Visera, magapatigayon ang NGCP sang reconfiguration sang transmission line halin sa Sta. Barbara, Iloilo tubtob sa Barangay Ingore, La Paz, Iloilo City.
Pahayag sang natungdan, ikonektar man ang linya sang More Electric and Power Corporation (MORE Power) sa grid sang NGCP.
Nagpangayo man sang paghangop ang NGCP sa publiko.
