Sa katuyuan nga papag-unon ang salabton sang mga opisyal sang gobyerno, nag-file si Zamboanga City 1st District. Representative Khymer Adan T. Olaso sang House Bill 1121.
Nasaad sa hagna nga luyag sini nga ibalik ang death penalty pinaagi sa firing squad para sa mga opisyal sang gobyerno nga mapamatud-an nga nakasala sang graft, sala nga paggamit sang pondo sang gobyerno kag plunder sa Sandiganbayan.
Sakop sang hagna ang tanan nga mga opisyal sang gobyerno, anuman ang rangko ukon posisyon, lakip na ang mga ginboto kag gin-appoint nga opisyal halin sa ehekutibo, lehislatibo, kag hudikatura.
Lakip man diri ang mga opisyal sang constitutional commissions, government-owned and controlled corporations, kag iban pa nga ahensya sang gobyerno
Mangin ang mga miyembro sang Armed Forces of the Philippines kag Philippine National Police ang sakop man sang hagna.
“Binibigyang-diin ng panukala ang pananagutan at paghadlang sa katiwalian, na nagpapakita na ang posisyon sa gobyerno ay isang tiwala ng publiko, at anumang paglabag dito ay nararapat na patawan ng pinakamabigat na parusa,” santo sa paathag sa nakasulat sa hagna.
Suno kay Rep. Olaso, katuyuan sang hagna nga maghatag sang mensahe nga ang graft kag sala nga paggamit sang pondo sang banwa ang indi pagpasugtan.
Pinaagi sa pagbalik sang silot nga kamatayon, luyag sang mamalidha nga mangibabaw ang integridad kag pagsalig sang publiko sa mga institusyon sang gobyerno.
