ILOILO CITY – Madamo nga layaw nga ido kag nagaluyloy nga linya sang kuryente ang pila lamang sa mga problema sa Brgy. Tanza Bonifacio, Iloilo City.
Sa programa Good Morning Philippines program, ginpahayag ni Brgy. Kagawad Ferdinand Magsipoc nga makapila na ka bes nga ginpahanumdom ang pet owners sa ila lugar nga tatapon sang maayo ang hinuptanan nga ido agud nga indi makatuga sang huol.
Suno kay Magsipoc, ang mga layaw nga ido ang ila nga ginadakop kag gina turn-over sa City dog pound apang sa tion nga madakop na ang sapat, diri na kag nagareklamo ang pet owners.
Magluwas sa Rabies, problema man suno sa natungdan ang nagalapta nga higko sang sapat.
Samtang, tinuig na nga ginareklamo sang mga pumuluyo ang nagaluyloy nga linya sang kuryente kag ang gabok nga poste nga iya sang Panay Electric Company.
Suno kay Magsipoc, peligroso ang nagahilay nga poste ilabi na kun mamadlos ang huyop sang hangin.
Bangud sini, sila na lang ang nagmato-mato sa pagtukod sang nagahilay nga poste agud nga indi matandog kag indi madali nga matumba.
