ILOILO CITY – Available for adoption ang mga layaw nga ido nga madakpan sang mga taga Office of the City Veterinarian.
Ini ang kasunod sang pagpakamalaot sang pila ka mga grupo tuhoy sa ginapatigayon nga mercy killing ukon euthanasia sa mga layaw nga ido sa syudad sang Iloilo.
Sa interview sang Bombo Radyo kay Dr. Tomas Forteza Jr., city veterinarian, iya ginpahayag nga wala gilayon ginapaidalom sa mercy killing ang mga ido nga ila madakpan.
Suno kay Forteza, tatlo ka adlaw ang ginahatag nga plaso agud nga makuha sang tag-iya ang ila hinuptanan nga ido.
Ginpahayag ni Forteza nga kinahanglan nga tatapon sang mga tag-iya ang hinuptanan nga ido agud nga indi mangin layaw kag makatuga sang halit.
Sa tion nga indi makuha sang tag-iya sa gintalana nga adlaw, ang mga ido ang available para sa adoption.
Ang mercy killing suno sa natungdan ang madugay na nga ginapatuman sang Iloilo City Government.
