Mga LGU sa probinsya sang Iloilo, maga-agi anay sa Iloilo Provincial Government sa pagbakal sang COVID-19 vaccine

ILOILO – Nagakadapat nga mag-agi sa Iloilo Province ang mga Local Government Unit (LGU) sa pagbakal sang COVID-19 vaccine.

Sa interview sang Bombo Radyo kay Governor Arthur Defensor Jr., iya gin-athag nga indi mahimo makadirekta bakal ang mga LGU sang COVID-19 vaccine sa mga manufacturer.

Suno kay Defensor, ila nga sundon ang COVID-19 vaccination plan sang Department of Health (DOH).

Ginpahayag sang gobernador nga magapatigayon man sila sang simulation sang COVID-19 vaccination kag measles vaccination.