Nagsaka sa 33 ang numero sang mga nagpositibo sa COVID-19 sa sulod sang Carmelite Missionaries, La Paz, Iloilo City.
Sa nasambit nga numero, 24 ang mga madre kag 9 ang staff.
Sa interview sang Bombo Radyo kay Mr. Jeck Conlu, spokesperson sang COVID-19 Team sang Iloilo City Government, iya ginpahayag nga kasunod sang pagpositibo sa virus sang index case, gilayon nga ginpaidalom sa reverse transcription polymerase chain reaction (RT-PCR) test ang indi magnubo sa 45 ka natumod nga close contact sini.
Suno kay Conlu, yara na sa isolation facility ang mga nagpositibo sa COVID-19 nga madre kag staff sa diin padayon man nga ginamonitor ang ila nga kondisyon.
