Nagahingyo ang pila ka mga mamalidha nga hilabtan na ni Presidente Rodrigo Duterte ang House Speakership race agud nga malikawan ang kinagamo sang mga partido.
Suno kay Albay Representative Joey Salceda, wala sang may matabo nga “bloodshed” ukon tuman nga kinagamo kun subong pa lamang, makapabatyag na si Duterte sa kun sin-o ang nahamut-an sini sa tunga nanday Leyte Rep. Martin Romualdez, Marinduque Rep. Lord Allan Velasco kag Taguig Rep. Alan Peter Cayetano.
Ginapahayag nga may yara sang indi pag-intindahanay ang mga partido nga Partido Demokratiko Pilipino–Lakas ng Bayan (PDP Laban), Nationalist People’s Coalition (NPC) kag Partylist Coalition Foundation Inc. (PCFI) bangud sa ginpaguwa nga manifesto of support nga naga endorso kay Velasco.
Dugang pa sang natungdan, wala sang giyera nga matabo sa tunga sang mga kandidato sa pagka-speaker kag sa mga supporters sang mga ini sa Kamara kun may yara na sang “divine intervention” nagikan sa Malacanang.
Kun nakapili na si Presidente Duterte, nakasiguro si Salceda nga mauntat naman ang mga espekulasyon sa speakership race.
Dako naman ang mangin bentaha ni Romualdez sa pagka speaker bangud gintugyan ni Duterte ang pagpili nga magapungko sa posisyon kay House Speaker Gloria Macapagal Arroyo.
