ILOILO CITY – Natalana nga mag-file sang resolution sanday Pangasinan 4th District Rep. Christopher de Venecia kag 34 ka iban pa nga myembro sang House Arts, Culture, and Creative Industries bloc agud nga imbestigaran ang pagkasunog sang Manila Central Post Office.
Suno kay de Venecia, importante nga ma-imbestigaran ang gintuna-an sang kalayo kag ma-evaluate ang pagka-epektibo sang mga seguridad agud nga malikawan ang kaangay nga insidente sa ulihi, ilabi na ang context sang heritage site kaangay sang Manila Central Post Office.
Ang edipisyo sang post office ang makabig nga National Cultural Treasure kag Important Cultural Property suno sa mamalidha.
Gin-ako ni de Venecia nga amo ang chairman sang House Committee on Creative Industry and Performing Arts, nga sa ginpatigayon nga budget deliberations sang nagligad nga tuig, wala sang bastante nga funding agud nga mamentinar ang propyedad.
Sa isa ka speech sa plenary session, ginpahayag ni Manila 6th District Rep. Bienvenido Abante nga ang insidente ang dapat nga mangin wake-up call na kag nagpanawagan man ini sang imbestigasyon.
Ginduso man sini ang pag-restore sang landmark.
