ILOILO CITY – Nagdangat sa P206 billion ang kapyerdehan sang mga mangunguma sa sulod sang tatlo ka tuig bangud sa pagpatuman sang Rice Liberation Law.
Suno kay Anakpawis party-list National President Ariel Casilao, padayon nga maputo ang mga mangunguma bangud sa kapyerdehan kag mabutang sa alang-alang ang kapasidad sang pungsod nga mag-provide sang bastante nga food production.
Sa naggwa nga datos sa volume kag value sang production sang 2020, nalugi ang mga mangunguma sang masobra sa P136 billion nga nagtaas pa tubtob P206.6 billion sa datos sang 2021 sa idalom na sang Rice Liberalization Law regime.
Ang average farm-gate price sang humay ang nagsarurot sa P16.67 sa kada kilo sang 2021 kag P20.19 sa kada kilon sang 2018.
Dugang pa niya, ang Republic Act No. 11203 ukon ang Rice Liberalization Law ang nagpanubo sang farm-gate prices nga nagpataas naman sang ginansya sang mga landlords kag traders.
Ang mga importers naman ang nagbenepisyo bangud sa nabaton nga P73.48 billion sang 2019 kag P43.95 billion sang 2020 base sa total volume sang imported rice.
Magluwas sa sini nga mga datos, ang rice self-sufficiency sang pungsod ang nagsarurot man sa 80% sang 2019 kag 85% sang 2020.
Nagpanawagan ang grupo sa pila pa ka concerned sectors nga ugyunan sila nga magpanawagan sa kongreso nga i-repeal ang layi.
