ILOILO – Naga-agunto ang mga mangunguma sa probinsya sang Iloilo bangud sa tuman ka barato nga presyo sang pagpamakal sang mga humay.
Sa interview sang Bombo Radyo kay Mr. Chris Chavez sang Paghugpong sang mga Mangunguma sa Panay kag Guimaras (PAMANGGAS), iya ginpahayag nga nabudlayan subong ang mga mangunguma bangud man sa pagnubo sang presyo sang humay nga nagadangat na lang sa P7 tubtob P12 ang presyo.
Suno kay Chavez, mataas sa gihapon ang presyo sang bugas apang tuman naman ka barato ang pagbakal sang traders.
Nagdako naman ang gasto sa produksyon sang humay nga nagadangat sa P2,700 bangud sa excise tax kag posible nga magtaas pa gid ini sa masunod nga tinuig.
Isa sa ginatan-aw nga rason suno kay Chavez amo ang pagpatuman sang Rice Tarrification Law bangud wala na sang limit ang pag-import sang bugas gikan sa iban nga pungsod.
Kun tani suno sa natungdan, mahatagan sang gobyerno igtalupangod ang problema sang mangunguma.
Tuman naman ka gamay ang ani sang humay sa subong kag kalabanan ang yara pa sa makabig early stage.
Nagalaum man si Chavez nga matapna ang madata nga rice smuggling kag ang problema sa rice cartel.
