ILOILO CITY – Nagpaandam ang mga otoridad sa nagahimo sa bike lane bilang bulutangan sang inugbulang nga manok.
May mga inugbulang nga manok nga nahamtang sa bikelane sa ginsang-an sang Calubihan Jaro, Iloilo City kag Dungon A, Jaro, Iloilo City.
Sa interview sang Bombo Radyo kay Jeck Conlu, pinuno sang Public Safety and Transportation and Management Office (PSTMO), iya ginpahayag nga matapos nabaton ang ini nga balita, gilayon man nga gintsikyar ang lugar apang wala na ang mga manok.
Suno kay Conlu, gilayon man nga ginpapangita ang tag-iya kag nakig-angot man sila sa mga opisyal sang barangay sa diin nakit-an ang mga manok.
Pahayag sang natungdan, sa tion nga madakpan nila ang amo sini nga sahi sang insidente, indi na makaluwas pa ang mga magpasaway.
