ILOILO CITY- Nagkalit pa ang iban nga manugbaligya sang bulak duha ka adlaw antes ang pagpasirado sang tanan nga mga patyo sa syudad sang Iloilo kadungan sang tigkalalag.
Sa interview sang Bombo Radyo kay One Estañol, flower vendor sa kilid sang Jaro Cathedral, iya ginpahayag nga apisar maiwat ang baligyaanay, apang makabulig-bulig pa ini agud mabalik ang ila kapital.
Suno sa iya, nagpasaka man sila sang presyo sang bulak bangud nga mas nagpamahal man ang ila supplier.
Samtang, may iban naman nga stocks ang nagkalaguba kag nagakalapuspos na bangud nga na-delay man ang delivery kadungan sang paglaslas sang bagyo Quinta.
