ILOILO CITY – Ginalauman nga mapauswag pa ang katinlo kag katawhay sa mga merkado sa syudad sang Iloilo kadungan sang pag-reshuffe sang mga market-in-charge.
Sa interview sang Bombo Radyo kay Jose Ariel Castañeda, pinuno sang Local Economic Enterprise Office (LEEO), iya ginpahayag nga kinaandan na nga polisiya ang pagbaylo-baylo sa magapamuno sa kada merkado.
Sa subong, suno kay Castañeda, mas maayo kun nagalibot-libot ang mga market-in-charge bangud makit-an nila sang personal ang nanuhay-tuhay nga mga isyu sa kada lugar kaangay sang obstruction kag revenue collection.
Nagapati man ang opisyal nga ang reshuffling ang makabulig sa mga market-in-charge nga mangin handa para sa mas daku nga mga katungdanan.
Yari ang mga opisyal nga magapamuno sa kada merkado:
Ma. Dolores Trabasas — Iloilo Terminal Market
Thomas Raymund Hortillas — Iloilo Central Market
Eric San Agustin — La Paz Public Market
Marly Bayoneta — Jaro Big Market
Lea Salvo — Jaro Small Market
Agnes Hillado — Arevalo Public Market
Beverly Loma — Mandurriao Public Market
Ma. Licel Castante — Molo Bus Terminal
