NUEVA VALENCIA GUIMARAS- Ginpadangat sa hospital ang duha ka mgan biktima nga naaksidente sa ginasakyan nga motor sa Igang Nueva Valencia Guimaras.
Ang mga biktima ang ginkilala nga sanday alyas Rofel 16 anyos ang edad sang barangay Napandong sa nasambit nga banwa kag alyas Kenneth 16 anyos residente sang Barangay Igang sa nasambit man nga banwa.
Sa interview sang Bombo Radyo kay Josephine Gonzaga iya ginpahayag nga natumba ang motor nga ginasakyan sang mga biktima.
Nakatindog pa suno sa iya ang mga biktima kag ginbuligan man sang pila ka mga residente agud madala sa Guimaras Provincial Hospital.
Ginsaylo naman sa hospital sa syudad sang Iloilo si Gonzaga bangud nabali ang iya tiil.
Nahibaluan nga naghalin sa eskwelahan ang mga biktima, wala nagagamit ang helmet kag wala man sang drivers license.
