ILOILO CITY – Ipaidalum sa total rehabilitation ang mga merkado sa kada distrito sa syudad sang Iloilo.
Sa interview sang Bombo Radyo kay Maricel Mabaquiao pinuno sang Local Economic Enterprise Office (LEEO), iya ginpahayag nga isa sa dako nga plano sang alkalde sang syudad sang Iloilo amo ang pagpakay-o sang tanan nga mga merkado sa diin masami ginabaha bangud sa guba nga drainage system.
Suno kay Mabaquiao, lakip sa mga public market nga ginatarget subong nga ipakay-o amo ang Arevalo Market, Mandurriao Market, Jaro Big Market kag La Paz Market.
Pahayag ni Mabaquiao, yara sa alignment sang Private Public Partnership (PPP) ang Iloilo Terminal Market kag Central Market sa diin sa proseso na ini sang pagpakay-o sa subong.
Dugang sa natungdan, may P11 million nga pondo ang Iloilo City Government para sa mga nasambit nga merkado nga i-rehabilitate subong nga tuig 2021.
