Nadugangan pa ang mga modernized motorbanca nga nagabyahe Iloilo-Guimaras and vice versa.
Sa interview sang Bombo Radyo kay Engr. Jose Venancio Vero, director sang Maritime Industry Authority (MARINA) Region VI, iya ginpahayag nga may yara na sang apat ka fiberglass motorbanca kag duha ka steel hulled motorbanca nga nagabyahe sa Buenavista wharf.
Samtang, may apat na man ka fiberglass motorbanca nga nagbyahe sa Jordan wharf kag may tatlo ka Roll-on/Roll-off (RoRo) vessel.
Sa subong, nagahulat pa ang MARINA sang dugang nga mga motorbanca nga ginalauman maga-abot subong nga Pebrero ukon Marso sa diin maka-akomodar ini sang indi magnubo 100 ka mga pasahero.
