ILOILO CITY — Nakatalana subong nga semana nga ipaguba sang Iloilo City Government ang mga modified mufflers nga nakumpiska sa mga motorista sa Iloilo City.
Sa interview sang Bombo Radyo kay Iloilo City Mayor Jerry Treñas, iya ginpahayag nga kinahanglan na nga i-intensify ang pagpanakop batok sa mga magahod kag makadisturbo nga modified mufflers.
Suno kay Treñas, naghatag na siya sang instruction sa Iloilo City Traffic Management Unit (ICTMU), Public Safety Office, kag Iloilo City Police Stations nga hugton ang operasyon batok modified mufflers agud madula na ini sa syudad.
Ginpahayag man sang alkalde nga liwat na naman nga nagataas ang numero sang mga nagagamit sang modified mufflers rason nga kinahanglan nga doblehon ang pagbantay sa ila.
Nahibaluan nga sugod sang Marso tubtob Mayo 9, may yara na sang 115 modified mufflers ang nakumpiska sang mga nasambit nga talatapan.
