Ginaeksperyensiya subong sang mga motorista ang ila problema sa paggutok sang trapiko sa JM Basa- Aldeguer Streets sa Calle Real bangud sa gina-ubra nga dalan kag indi epektibo nga mga early warning signs sa lugar.
Ginbakbak ang half lane sang dalan, nga may 5 tubtob 6 ka metros ang kalaparon, bilang kabahin sang isa ka ongoing nga construction project.
Suno sa mga motorista, delikado ini labi na sa mga nagaagi sang kun kaagahon ukon sa mga madulom nga oras.
Ang ginbutang nga metal block nga may “No Entry” sticker kag ang basurahan, indi dayon makit-an sang mga nagalabay gani madamo ang nagaalang-alang, kag may kahadlok nga posible pa ini magresulta sa disgrasya.
Ginapanawagan naman sang publiko nga magbutang sang mas epektibo kag mas visible nga mga warning signs sa lugar, pareho sang reflectorized cones, blinking lights ukon barikada nga may klaro nga sinulatan, agud malikawan ang peligro sa dalan.
